لە عەفرین تەقینەوەیەک ڕوویدا و چوار کەس بریندار بوون

ناوەندی هەواڵەکان

لە عەفرینی داگیرکراو، ماتۆرسکیلێک تەقییەوە و بە هۆیەوە چوار کەس برینداربوون، کە دووانیان چەتەی دەوڵەتی داگیرکەریی تورکن.

ئێوارەی ئەمڕۆ، لە نزیک فولکەی نەورۆز لە شاری عەفرینی داگیرکراو، ماتۆرسکیلێک تەقییەوە.

بەپێی ئەو زانیارییانەی کە ڕێکخراوی مافی مرۆڤی عەفرین-سووریا ڕایگەیاندووە، لە ئەنجامی تەقینەوەی ماتۆرسکیلێک چوار کەس برینداربوون، دانەیەکیان منداڵە و دوو دانەی دیکەش چەتەی سەر بە دەوڵەتی داگیرکەریی تورکە و زیانی ماددی لێکەوتووەتەوە.

ئەو ڕێکخراوە ئاماژەی بەوەشداوە، چەتەکان منداڵە بریندارەکەیان ڕفاندووە، تاوانباریان کردووە بە بۆمڕێژکردنی ماتۆرسکیلەکە ودانانی لە شوینی تەقینەوەکەدا لەگەڵ کەسێکی دیکەدا.

لە ناوچە داگیرکراوەکاندا دۆخی ئەمنی ناسەقامگیرە و تەقینەوە و ململانێ لە نێوان چەتەکانی دەوڵەتی تورکدا ڕوودەدات، بەهەمان شێوە لە ٢٧ی ئەیلوولی ساڵی ٢٠٢٣، بەهۆی تەقینەوەی ماتۆڕسکیلێک لە شەقامی خزمەتگوزاریی گەڕەکی ئەشرەفییە، پێنج کەس برینداربوون کە زۆربەیان منداڵن.

ب. جـ