ناوەندى هەواڵەکان
پارێزگاری ماوەبەسەرچووى سلێمانی رایگەیاند، دەبوو ئەو ٣٨ مووچەیەی لێبڕین و پاشەكەوتی لێكراوە بدرایەتەوە بە مووچەخۆران، دەشڵێت، هیوادراین جارێکی دیکە حکومەت دەست بۆ رۆژ ژمێری مووچە نەبات و ٣٠ رۆژ جارێك مووچە دابەشبكرێت.
هەڤاڵ ئەبوبەكر، پارێزگاری ماوەبەسەرچووى سلێمانی لە لێدوانێکدا لە دوای مەراسیمی جەژن ڕایگەیاند، هیوادارم جەژن ببێتە هۆی یەكڕیزی و لێكتێگەیشتن.
باسى لەوەشکرد، ئومێدەوارین دوای جەژن یاسای بودجە جێبەجێبكرێت و بودجەی پەرەپێدانی پارێزگاكان بۆ هەرێمی كوردستان رەوانە بكرێت.
وتیشی، دەبوو ئەو ٣٨ مووچەیەی لێبڕین و پاشەكەوتی لێكراوە بدرایەتەوە بە مووچەخۆران و سێ مووچە نەدراوەكەی ساڵی رابردوو خەرجبكرایە.
لە کۆتایدا وتى، هیوادارین چی دیکە دەست بۆ رۆژمێری مووچە نەبرێت و پێویستە ٣٠ رۆژ جارێك مووچە دابەشبكرێت.
ئ.م
Comments are closed.