له دوو ڕۆژدا ٣٦٠ کۆچبه‌رى دیکه خۆیان گه‌یانده عه‌فرین
پێنجشەممە, 20 أبر 2017 – 19:59
ڕۆژنیوز ـ ناوه‌ندى هه‌واڵه‌کان
له هه‌رێمى شه‌هبا و هه‌رێمه‌کانى دیکه‌ى وڵاتى سوریاوه ٣٦٠ کۆچبه‌رى دیکه خۆیان گه‌یانده کانتۆنى عه‌فرین، که به‌هۆى هێرشى چه‌کدارانى سه‌ربه تورکیا و چه‌ته‌کانى داعشه‌وه ئاواره بوون.
له ماوه‌ى دوو ڕۆژى ڕابردوودا ٣٦٠ هاوڵاتى دیکه له هه‌رێمى شه‌هبا و ناوچه‌کانى دیکه‌ى سوریا کۆچبه‌رى کانتۆنى عه‌فرین بوون، ئه‌وه‌ش به‌هۆى به‌رده‌وامى هێرشه‌کانى چه‌کدارانى سه‌ربه تورکیا و چه‌ته‌کانى داعشه‌وه.
هاوڵاتیانى کۆچبه‌ر کانتۆنى عه‌فرین به ناوچه‌کى ئارام ده‌زانن، هه‌ربۆیه تا ئێستا هه‌زاران هاوڵاتى ناوچه‌کانى دیکه‌ى سوریا ڕوویان لێکردوه.
ک.ک