دکتۆر سەعدون عومەر دەڵێت: زۆر كەس لە گەورە و منداڵ گرفتی لەدەستدانی ئارەزوی خواردنی بۆ دروستدەبێت و چیتر نایەوێت خواردن بخوات یان بڕێكی زۆر كەمدەخوات، دەشڵێت: نیشانەکانى لەدەستدانى ئارەزووى خواردن بریتین لە لەدەستدانی هەستی تامكردن و شەكەتی و لەدەستدانی كێشی جەستە بە رێژەیەكی بەرچاو.
دکتۆر سەعدون عومەر، پسپۆری نەشتەرگەری گشتی و کۆئەندامی هەرس و جگەر و زراو، لە نوسینێکدا ئاماژە بە لەدەستدانى ئارەزوى خواردن و هۆکار و نیشانەکانى دەکات، کە دەقى نوسینەکەى بەمجۆرەیە:-
زۆر كەس لە گەورە و منداڵ گرفتی لەدەستدانی ئارەزوی خواردنی بۆ دروستدەبێت و چیتر نایەوێت خواردن بخوات یان بڕێكی زۆر كەمدەخوات، ئەمەش چەند هۆكارێكی لە پشتەوەیە.
نیشانەكانى لەدەستدانی ئارەزوی خواردن کامانەن؟
یەکەم- لەدەستدانی كێشی جەستە بە رێژەیەكی بەرچاو.
دووەم- لەدەستدانی هەستی تامكردن و شەكەتی.
سێیەم- نەبونی ویست بۆ خواردن.
هۆكارەكانى لەدەستدانی ئارەزوی خواردن چین؟
یەکەم- هەندێك بەكتریا و ڤایرۆس، كە لە جەستەدا هەوكردن دروستدەكەن و كەسەكە ئارەزوی خواردنی نامێنێت.
دووەم- بەكارهێنانی هەندێك دەرمانی پزیشكی، كە كاریگەری لاوەكی لەسەر جەستە جێدەهێڵێت.
سێیەم- هەندێك لایەنی دەرونی، وەكو خەمۆكی، نیگەرانی، فشاری دەرونی و دڵەڕاوكێ.
چوارەم- توشبون بە هەندێك نەخۆشی وەكو، رەبۆ، شەكرە، بەكتریای گەدە، غوددە، سستبونی دڵ، نەخۆشی گەدە و قۆلۆن.
ئ.م
Comments are closed.