هێزەکانی ڕزگاریی عەفرین ناسنامەی شەهیدێکیان ڕاگەیاند

ناوەندی هەواڵەکان

هێزەکانی ڕزگاریی عەفرین (هەرەئە) ڕایگەیاند، شەڕڤانێکیان بە ناوی دەشتی عەفرین، لە چوارچێوەی قۆناغی دووەمی بەرخۆدانی سەردەمی عەفرین، لە تێکۆشان دژی دەوڵەتی داگیرکەری تورک و چەتەکانی، لەسەر ئەرکەکەی لە شەهید بووە.

هەرەئە لە ڕاگەیاندراوێکدا ئاشکرای کرد، هاوڕێیان دەشتی عەفرین لە چوارچێوەی قۆناغی دووەمی بەرخۆدانی سەردەمی عەفرین، لە تێکۆشان و بەرخۆدانمان دژی دەوڵەتی داگیرکەری تورک و چەتەکانی، کار و خەباتی کردووە، لە ٢٨ـی نیسان لەسەر ئەرکەکەی شەهید بوو.

هەرەئە ئاماژەی بەوەشداوە، شەهید دەشتی لە بنەماڵەیەکی وڵاتپارێزی عەفرین لەدایکبووە و لە سەرەتای شۆڕشی ڕۆژئاواوە چالاکانە بەشداری خەبات بووە.

وتیشی: لە شەڕی حەلەبەوە تا بەرخۆدانی سەردەمی عەفرین ئەرکی ویژدانیی و مرۆڤانە و وڵاتپارێزانەی خۆی ئەنجامداوە، پاش داگیرکردنی عەفرین لە ٢٠١٨ خۆی پەروەردە کرد و بە جۆش و خرۆشی مەزنەوە ڕووی کردە سەنگەرەکانی شەڕ، لە هەموو شوێنێک بە کار و دڵسۆزیی و هەڤاڵێتییە ڕاستەقینەکەی بووە خۆشەویستی هەمووان.

هەرەئە سەرەخۆشی لە بنەماڵەی دەشتی عەفرین دەکات و دەڵێت: “دیسانەوە بەڵێن دەدەین، هێڵی تێکۆشانی شەهیدانمان بەرنەدەین و ئامانجەکانیان سەربخەین.

ناسنامەی ئەو شەهیدە بەم جۆرەیە:

ناسناو: دەشتی

ناو و پاشناو: عاریف ڕەشکیلۆ

ناوی دایک: مەقبولە

ناوی باوک: عاریف

شوێن و کاتی شەهیدبوون: هەرێمی عەفرین-٢٨ـی نیسانی ٢٠٢٤

ب.گ