دوو ئاوارەی شەنگال لە بەنداوی دهۆک-دا خنکان

ڕۆژنیوز – سعود شای گۆران

دوو کرێکاری گەنجی ئاوارەی خەڵکی شەنگال لە بەنداوی دهۆک-دا خنکان.

پاش نیوەڕۆی ئەمڕۆ کاتژمێر ٢:٠٠ دوو کەس لە بەنداوی دهۆک-دا خنکان.

ڕائید بێوار عەبدولعەزیز، وتەبێژی پۆلیسی بەرگریی شارستانی پارێزگای دهۆک بە ڕۆژنیوزی ڕاگەیاند: دوای ئەوەی لە ڕووداوەکە ئاگادارکراینەوە و تیمەکانمان گەیشتنە شوێنی ڕووداوەکە و دەست بەجێ تەرمەکانیان لە ئاوەکە دەرهێنا و رەوانەی پزیشکی دادی دهۆک-مان کردن.

بێوار عەبدولعزیز، ڕاشیگەیاند: ئەو دوو کەسە تەمەنیان لە سەروو ١٥ ساڵانەوە بووە و خەڵکی شەنگال بوون، کاری کرێکارییان کردووە و بۆ خۆفێنککردنەوە چوونەتە ناو ئاوەکەوە، بەڵام هەتا ئێستا ناوەکانیان نازانین.

جێگای ئاماژەیە، لە ئەم ساڵدا ٢٣ هاوڵاتی سنووری پارێزگای دهۆک لە ئاودا خنکاون.

بەپێى ئامارێک-یش، که‌ ڕۆژنیوز لای خۆی تۆماریکردووە، له‌ سه‌ره‌تای مانگی حوزه‌یرانه‌وه‌ تا ئێستا له‌ باشوری کوردستان ٤١ که‌س له‌ ئاودا خنکاون.

ش.ف