ئەندامێكی پەرلەمانی عێراق ئاشكرای دەكات، پڕۆژە یاسای بودجەی عێراق نزیكبووەتەوە لە پەسەندكردن و پێدەچێت پشكی هەرێم ١٤٪ بێت.
عەلی بەنداوی، ئەندامی پەرلەمانی عێراق لە فراکسیۆنی ڕەوتی حیکمە ڕایگەیاند، پڕۆژەیاسای بودجە لەلایەن حکومەتەوە لە پەسەندکردن نزیکبووەتەوە، بەڵام گۆڕانکاری لە بەھای دۆلار و دینار وایکرد پێداچوونەوەی زیاتری پێدا بکەن.
![](https://rojnews.news/wp-content/uploads/2023/02/عەلی-بەنداوی.png)
دەربارەی دانوستانەكانی نێوان هەرێم و بەغدا و پشكی هەرێم وتی: دانوستانەکان سەبارەت بە پشکی ھەرێمی کوردستان لە پڕۆژەیاساکەدا بەردەوامە و پێدەچێت ڕێککەوتن بکرێت لەسەر ئەوەی پشکی ھەرێم ١٤٪ بێت.
بەنداوی وتیشی: پەرلەمان پڕۆژەیاساکە دواناخات و بەلەبەرچاوکردنی ڕەوشی سیاسی و دارایی بە زووترین کات پەسەندی دەکات، بۆ ئەوەی بچێتە بواری جێبەجێکردنەوە.
س.س
Comments are closed.