هەرەئە: ٢٢ سەربازی دەوڵەتی تورک و چەتەکانی سزا دران

ناوەندی هەواڵەکان

هەرەئە ڕایگەیاند، لە چەند چالاکییەکی جیاوازدا لە سنووری عەفرینی داگیرکراو ئەنجامداوە و بە هۆیەوە ١٠ سەرباز و چەتەکانی سەربە دەوڵەتی داگیرکەری تورک کوژراون و ١٢ـی دیکەش بریندار کراوە.

هێزەکانی ڕزگاریی عەفرین-هەرەئە، لە بارەی ئەنجامدانی چەند چالاکییەکیان لە دژی سوپای داگیرکەری تورک و چەتەکانی لە سنووری عەفرینی داگیرکراو، ڕاگەیاندراوێکی بڵاوکردەوە.

لە ڕاگەیاندراوەکەی هێزەکەدا هاتووە، هێرشەکانی سوپای داگیرکەری دەوڵەتی تورک و چەتەکانی بۆ سەر ناوچەکانی باکور و ڕۆژهەڵاتی سووریا بەبێ پچڕان بەردەوامە و لە بەرامبەر ئەو هێرشانەشدا هێزەکانمان چەندین ئۆپەراسیۆنی سەربازییان ئەنجام داوە.

بەپێی ڕاگەیاندراوەکە ئەنجامی چالاکییەکانی هێزەکە بەم شێوەیەیە:

لە ٢ـی نیساندا هێزەکانمان ئۆپەراسیۆنێکی نیشانەشکێنی لە هێڵی شارۆچکەی باب ئەنجامدا و تیایدا چەتەیەک کوژرا.

لە ٦ـی نیساندا هێزەکانمان ئۆپەراسیۆنێکی دیکەی نیشانەشکێنیان لە هێلێ شارۆچکەی مارەع ئەنجامدا و تیایدا چەتەیەک کوژرا.

لە ١٣ـی نیساندا هێزەکانمان ئۆپەراسیۆنێکی تایبەتیان لە گوندی عەبلە ئەنجامدا و تیایدا دوو چەتە کوژران و یەکێکی دیکە بریندابوو هەروەها ئۆتۆمبێلێکی سەربازیش لەناوبراوە.

لە ١٨ـی نیساندا هێزەکانمان ئۆپەراسیۆنێکی دیکەیان لە هێڵی شارۆچکەی مارەع ئەنجامدا و تیایدا سێ چەتە برینداربوون.

ڕۆژی ٢٣ـی نیسان، بنکەی دەغڵباشی دەوڵەتی تورک بە چەکی قورس لەلایەن هێزەکانمانەوە کرایە ئامانج، لە ئەنجامدا سەربازێکی تورک کوژرا و سیانی دیکەش بریندار بوون.

لە ٢٦ـی نیساندا هێزەکانمان ئۆپەراسیۆنێکی نیشانەشکێنیان لە هێڵی شارۆچکەی عەزازێ ئەنجامدا و تیایدا چەتەیەک کوژرا.

لە ٢٨ـی نیساندا هێزەکانمان ئۆپەراسیۆنێکی نیشانەشکێنی دیکەیان لە هێڵی شارۆچکەیعەزازێ ئەنجامدا و تیایدا چەتەیەک کوژرا.

ڕۆژی ٢٩ـی نیسان ئۆپراسیۆنێکی تایبەت بۆسەر هەردوو بنکەی سوپای داگیرکەری تورک لە گوندی عەنابکە و کەفرمزە لە شارۆچکەی شەرا بە کانتۆنی عەفرینی داگیرکراو ئەنجامدرا و تیایدا سێ سەربازی تورک کوژران و پێنجی  دیکەش برینداربوون.

بەشێوەیەکی گشتی لەئەنجامی ئەو ئۆپەراسیۆنانەدا کە لەلایەن هێزەکانمانەوە ئەنجامدراون، چوار سەربازی سوپای داگیرکەری تورک کوژراون و هەشت سەربازی دیکە برینداربوون، شەش چەتە کوژراون و چواری دیکەش برینداربوون.

ڕ.ش