شەڕی نێوان ئەرمینیا و ئازەربایجان بەردەوامە
شەڕی نێوان ئەرمینیا و ئازەربایجان لەسەر سنوورەکانی هەردوو وڵاتە بەردەوامە و تائێستا چەندین ئەندامی هێزە چەکدارەکانی هەردوولا کوژراون.
دوای ڕۆژێک ئاگربەست، بەیانی ئەمڕۆ دیسان پێکدادانی نێوان هێزەکانی ئەرمینیا و ئازەربایجان دەستیپێکردەوە، کە یەکشەممەی ئەم هەفتەیە دەستیپێکردبوو.
وەزارەتی بەرگریی هەردوو وڵات لە دوو بەیاننامەی جیاوازدا، دەستپێکردنەوەی پێکددانەکانی نێوانیان پشتڕاست کردەوە و بەپێی هەمان بەیاننامە، پێکدادانەکان لە ئێستادا بەردەوامە.
بەپێی ڕاگەیەندراوی فەرمیی هەردوو وڵات، تا ئێستا ١٦ کەس لە پێکدادان و تۆپبارانەکانی هەردوولا کوژراون و ژمارەیەکیش برینداربوون.
ئاڵۆزییەکانی نێوان ئەرمینیا و ئازەربایجان لە ساڵی ١٩٨٨ـەوە، لەسەر کێشەی قەرەباغ، بەردەوامە و تا ئێستا چارەسەر و یەکلایی نەبووەتەوە.
ش.ف
Comments are closed.