یەژاستار لە ناو تونێلەکانی بەرخۆدانەوە نەورۆزیان پیرۆز کرد

ناوەندی هەواڵەکان

گەریلاکانی یەژاستار لە چیا ئازادەکانی کوردستان بە چالاکی هەڵکردنی مەشخەڵ جەژنی نەورۆزیان پیرۆز کرد.

لە ناو تونێلەکانی بەرخۆدان لە چیا ئازادەکانی کوردستان، گەریلاکانی یەژاستار مەشخەڵیان داگیرساند و جەژنی نەورۆزیان پیرۆز کرد و ڕاگەیاندراوێکیان بڵاو کردەوە.

یەژاستار لە ڕاگەیاندراوەکەیدا ئاماژەی بەوەدا، هەرچەندە لە مێژوودا ستەمکاری وەک زوحاک هەبووە، بەڵام لە بەرامبەریدا قارەمانی وەک کاوەی ئاسنگەر و مەزڵوم دۆغان سەریان هەڵداوە.

هەروەها یەژاستار تیشکی خستە سەر ئازادیی جەستەیی ڕێبەر ئۆجالان و چارەسەریی سیاسیی دۆزی کورد و وتی: ئەم هەڵمەتە جیهانییە سەلماندی کە فەلسەفە و دنیابینیی ڕێبەر ئاپۆ بووە بە گەردوونی.

هەروەها جەختیان کردەوە، تێکۆشانی ئیمراڵی لە کوردستان و ئەورووپا و ئەفریقا و هەر چوار لای جیهاندا بڵاو بووەتەوە و سڵاویان نارد بۆ گەریلاکانی نەورۆزی ڕێبەر ئۆجالان و بەرخۆدانی زیندانەکان و دایکانی بەرخۆدێر و هەموو ئازادییخوازانی جیهان و بە ڕۆحییەتی ژن ژیان ئازادیی نەورۆزیان پیرۆز کرد.

دواتر گەریلاکانی یەژاستار مەشخەڵیان هەڵکرد و لە تونێلەکانی بەرخۆدانەوە بە وتنەوەی درووشم بەڕێکەوتن و سروودی بەرخۆدانیان دەوتەوە.

ب.گ