ناوەندی هەواڵەکان
پەرتووکەکانی ڕێبەری گەلی کورد عەبدوڵا ئۆجالان کە وەرگێڕدراون بۆ زمانی ئەرمەنی، لە خوێندنگەی پەروەردەیی مختار سیباساتسی یەریڤان بە خوێندکاران ناسێندرا و خوێندنەوەی بۆ کرا.
لە خوێندنگەی پەروەردەیی مختار سیباساتسی یەریڤانی ئەرمینیا، پەرتووکی ڕێبەری گەلی کورد عەبدوڵا ئۆجالان بەناوی “شارستانییەت، سەردەمی خوداوەندە دەمامکدارەکان و پاشا داپۆشراوەکان” کە بەم دواییە وەرگێڕاوە بۆ زمانی ئەرمەنی بە خوێندکاران ناسێنرا و خوێندنەوەی بۆ کرا.
مامۆستایان و دەیان خوێندکار لە مەڕاسیمەکەدا ئامادەبوون، مێژوونووس ئارمەن ڤۆسکانیان، هاوسەرۆکی کۆمیتەی کوردستان سیلۆ دربۆیان و ڕۆژنامەوان لیانا میهۆیان، لە مەڕاسیمەکەدا وتاریان پێشکەش کرد.
ئارمەن ڤۆسکانیان ڕایگەیاند، دەمێکە خوازیارە ئەم پەرتووکە وەربگێڕێت بۆ زمانی ئەرمەنی، ئاماژەی بەوە کرد ئەم پەرتووکە لە هەلومەرجی سەختی گۆشەگیریدا نووسراوە و زۆر بەنرخە، ئەم پەرتووکانە لە پێنج بەرگ پێکدێت، بەرهەمی لێکۆڵینەوە و خەباتێکی بەرفراوانە.
ئاماژەی بەوە کرد سەرەڕای ئەوەی ٢٠ ساڵ تێپەڕیوە هێشتا پێشبینی جدی تێدایە و کاتێک خوێندمەوە باوەڕم نەکرد ٢٠ ساڵ پێشتر نووسراوە و وتی: “پێشبینییەکانی ڕێبەر عەبدوڵا ئۆجالان یەک بە یەک دێنەدی، ڕێبەر عەبدوڵا ئۆجالان هەرچەنە لە زیندانە، بەڵام بە پەرتووکەکانی فیکر و فەلسەفەی خۆی گەیاندووەتە هەموو جیهان.
هەروەها ڕۆژنامەوان لیانا میهۆیان ڕایگەیاند، پردێکی پەیوەندی لەنێوان کورد و ئەرمەنییەکان دروستبووە، ئەم پەیوەندییە لە سایەی ئەم پەرتووکەی عەبدوڵا ئۆجالان و فەلسەفەکەی بە گشتیی، بەهێزتر دەبێت.
هاوسەرۆکی کۆمیتەی کوردستان سیلۆ دربۆیان لەسەر پارادایمی ڕێبەری گەلی کورد عەبدوڵا ئۆجالان دوا و ڕایگەیاند سیستەمێکی کۆنفیدراڵی ئافراندووە و ئەم سیستەمە لای هەموو بندەستان و خوازیارانی یەکسانیی و دادپەروەریی قبووڵ کراوە، ئێستەش گەلان دەیانەوێت خۆیان لە قەیرانەکانی سەرمایەداری ڕزگار بکەن و ژیانێکی ئازاد بژین.
لەکۆتایی چالاکییەکەدا پەرتووکی “شارستانییەت، سەردەمی خوداوەندە دەمامکدارەکان و پاشا داپۆشراوەکان” بە دیاری بەخشرایە خوێندکاران.
ب.گ
Comments are closed.