دەوڵەتی داگیرکەری تورک لۆفەکانی کورتەکی بۆردوومان کرد

ناوەندی هەواڵەکان

ئێوارەی ئەمڕۆ، فڕۆکە جەنگییەکانی دەوڵەتی داگیرکەری تورک بۆردوومانی لۆفەکانی کورتەکیان کرد لە بناری قەندیل.

ڕێکخراوی سی پی تی ئەمریکی ڕایگەیاند، لە کاتژمێر ٥:٣٠ خولەکی دوانیوەڕۆی ئەمڕۆ، فڕۆکە جەنگییەکانی دەوڵەتی داگیرکەری تورک بۆردوومانی ڕێگای پێچاوپێچی کورتەکیان کرد لە بناری قەندیل.

بەگوێرەی زانیارییەکانی سی پی تی: لەگەڵ ئەوەی دەنگۆی برینداربوونی هاووڵاتییەکی مەدەنی هەیە لەم بۆردوومانەدا، بەڵام تاوەکو ئێستا هیچ بریندارێک نەگەیەندراوەتە نەخۆشخانەکانی سنووری ئەم ناوچەیە و دەنگۆی برینداربوونی هاووڵاتییەکە پشتڕاست نەکراوەتەوە.

ب.گ