سوود و زیانەکانى خواردنەوەى چا کامانەن؟
ناوەندى هەواڵەکان
نەخۆشخانەى بەخشین بڵاوى کردەوە، خواردنەوەى چا سوود و زیانى هەیە بە جۆرێک بەسوودە زیاد کردنى تەرکیز ئەوەش بە هۆی بوونی ماددەی کافایینەوە تێیدا، هەروەها زیانبەخشە ئەگەر چا بە شەکرەوە بخورێتەوە، بۆ قەڵەوی و نەخۆشی شەکرە خراپە.
نەخۆشخانەى بەخشین لەبارەى سوود و زیانەکانى خواردنەوەى چا ڕاگەیەندراوێکى بڵاو کردەوە، کە دەقەکەى بەمجۆرەیە:-
بە شێوەیەکی گشتی، دەتوانین بڵێین، چا خواردنەوەیەکی بەسوودە نەك زیانبەخش، بە تایبەتی ئەگەر جۆری چایەکە کوالێتی باش بێت.
سوودەکانی خواردنەوەى چا کامانەن؟
یەکەم- تەرکیز زیاد دەکات بە هۆی بوونی ماددەی کافایینەوە.
دووەم- چا وەک دژەئۆکسان کار دەکات، ئەویش بەهۆی بوونی ماددە ڕووەکییە لاوەکییەکان تێیدا.
سێیەم- چای بێ شەکر بۆ نەخۆشانی شەکرە باشە، چونکە بە پێی توێژینەوەکان یارمەتی بەرزبوونەوەی ئەنسۆلین دەدات.
زیانەکانى خواردنەوەى چا چین؟
یەکەم- هەڵمژینی هەندێ ماددە لە ڕیخۆڵەدا کەم دەکاتەوە ئەگەر لەگەڵ خواردن بخورێتەوە، لەوانە ماددەی ئاسن (ئەم خاڵە بۆ کەسی تەندرووست کێشە درووست ناکات، بەڵام بۆ کەسێك، کە ماددەی ئاسن و خوێنی کەم بێت باش نیە، وە ئەگەر چایەکە لەگەڵ خواردندا نەبێت، بەڵکو ٢-٣ کاتژمێر دوای خواردن بخورێتەوە، ئەوە کێشە نابێت.
دووەم- ئەگەر شەوان چا بخورێتەوە، ڕەنگە ببێتە هۆی خەوزڕان.
سێیەم- ئەگەر چا بە شەکرەوە بخورێتەوە، بۆ قەڵەوی و نەخۆشی شەکرە خراپە.
چوارەم- ڕۆژانە خواردنەوەی بڕی ٤-٥ کوپ چا ئاساییە، ئەگەر لەوە زیاتر بێت ڕەنگە کاریگەری نەرێنی لەسەر خەو هەبێت.
ئ.م
Comments are closed.