ناوەندی هەواڵەکان
کوردستانیان لە گەڕەکی ڤالیرێسلابێل لە پاریسی پایتەختی فەڕەنسا، بۆ بەرز ڕاگرتنی ساڵیادی هەفتەی قارەمانێتیی لە نێوان ٢١ تا ٢٨ـی ئادار، مەڕاسیمێکی تایبەتیان ئەنجام دا.
کوردان و ئازادییخوازان لە ناوەندی جڤاکی دیموکراتیکی گەلان کۆبوونەوە، لە کەسێتی دوو کادری پێشەنگی پەکەکەدا، مەزڵوم دۆغان و هەڤاڵ عەگید، شەهیدانی نەورۆزیان بیرهێنایەوە و ساڵیادی هەفتەی قارەمانێتییان بەرز ڕاگرت.
لە وتارەکاندا دووپات کرایەوە، پەکەکە پارتی شەهیدانە و هەر شەهیدێک مێژووی پەکەکەی نووسیوەتەوە، هەروەها جەخت کرایەوە، لە سایەی فیداکاری شەهیدان ئەو گەلەی دەچەوسێنرایەوە و زیندەبەچاڵ دەکرا، سەرلەنوێ زیندووبوویەوە.
ئاماژە بەوەش کرا ئەو ئاگرەی بە سێ دەنکە شقارتەکەی مەزڵوم دۆغان کرایەوە بووە هیوایەک لە دڵی ملیۆنان مرۆڤدا، مەعسوم کۆرکماز بووە نیشانەی بوێریی و هەزاران قارەمان بەهۆیەوە دەرکەوتن.
یادەکە بە درووشمی “شەهید نامرن” و “بژی نەورۆز” و “بژی سەرۆک ئاپۆ” کۆتایی هات.
ب.گ
Comments are closed.