ناوەندی هەواڵەكان
میدیاکانى ئەڵمانیا بلاویان کردەوە، درەنگانی شەوی ڕابردوو لە ڕێگایەکى خێرا لە نزیك شاری لایپزیگ لە ڕۆژهەڵاتی وڵاتەکەمان بەهۆی وەرگەڕانی پاسێكی گواستنەوەی گشتی چوار كەس گیانیان لەدەستدا و ٣٥ كەسی دیكەش برینداربوون.
میدیاکانى ئەڵمانیا لە زارى بەرپرسانى پۆلیسی شاری لایپزیگ سەبارەت بە ڕوودانى ڕووداوێکى هاتوچۆ، کە بەهۆیەوە دەیان کەس بوونە قوربانى بەمجۆرە زانیارییان خستووەتەڕوو:-
لە هەواڵەکەدا هاتووە، درەنگانی شەوی ڕابردوو لە ڕێگایەکى خێرا لە نزیك شاری لایپزیگ لە ڕۆژهەڵاتی ئەڵمانیا پاسێكی گواستنەوەی گشتی وەرگەڕا.
دەشڵێن، بەهۆى ڕووداوەکەوە چوار كەس گیانیان لەدەستدا و ٣٥ كەسی دیكەش برینداربوون، كە شەش لەوانەبرینەکانیان سەختە.
ئاماژە بەوەشكراوە، لەكاتی ڕووداوەكەدا ٥٤ كەس لە ناو پاسەكەدا بوون، دوو كەسیان شۆفێر بوون، بەپێی بەیاننامەی پۆلیسی ناوچەكە، پاسەكە لە ڕێڕەوی خۆی لایداوە و وەرگەڕاوە.
هـ.ئ
Comments are closed.