ناوەندی هەواڵەکان
ئەندامێکی ئەنجومەنی نوێنەرانی عێراق ئاشکرای دەکات، لە ساڵی ڕابردوو حکومەتی هەرێم ٩٣ ملیۆن بەرمیل نەوتی بەرهەمهێناوە، ٣١ ملیۆن بەرمیل بە بۆری هەناردەکراوە و ٣٣ ملیۆن بەمیل نەوت دیار نییە.
سۆران عومەر ئەندامی ئەنجومەنی نوێنەرانی عێراق لە نووسینێکی سەبارەت بە نەوتى هەرێم بڵاوکردەوە و دەڵێت: وەزارەتی سامانە سروشتیەکانی هەرێم بەنوسراوی فەرمی زانیاری بەرهەمهێنانی نەوت دەخەنە بەردەست تیمی وردبینی چاودێری دارایی عێراق و هەرێم.
سۆران عومەر ئاشکرای کردوە، نوسراوەکە هەرێم لەساڵی ٢٠٢٣ بڕی ٩٣ ملیۆن و ٨٢٩ هەزار بەرمیل نەوتی بەرهەمهێناوە.
ئەو پەرلەمانتارە ڕوونیکردوەتەوە، هەرێم لەو بڕە ٣١ ملیۆن بەرمیلی تاکو ڕۆژی ٢٥ی (ئازار/٣)ی ٢٠٢٣ بە بۆری هەناردەکراوە، ١١1 ملیۆن و ٨١٦ هەزار بەرمیلی دراوە بەعێراق، ١٦ ملیۆن و ٥٦٣ هەزار بەرمیلی گوایە لەناوخۆ بەکارهاتووە.
بە وتەى سۆران عومەر، بۆ پاڵاوتنی هەر بەرمیلێکی ٥.٧ دۆلار دراوە بە پاڵاوگە، لەکاتێک دا ئەو پاڵاوتنە بەبازرگانی فرۆشراوە و بۆ بەکارهێنانی ناوخۆ نەبووە، لەم نێوەندەدا ٣٣ ملیۆن و ٨٢٩هەزار بەرمیل نەوت دیار نییە.
ئەو پەرلەمانتار باسی لەوەشکردوە، حکومەتی هەرێم دەڵێت ڕاستەوخۆ فرۆشتومانە بە پاڵاوگەکان بە ترلیۆنێک و ٣٥٧ ملیار دینار ئەمە ئەو نەوتەیە کە بەتەنکەر دەیفرۆشن و دەبرێتە دەرەوە بەقاچاخ.
سۆران عومەر دەشڵێت: داهاتی نەوت ساڵی ٢٠٢٣ بە سێ ملیارو ٦٢١ ملیۆن دۆلار دانراوە، خەرجی نەوت بە سێ ملیار و ٦٧ ملیۆن دۆلار دانراوە، گوایە تەنها ٥٥٤ ملیۆن دۆلار ماوەتەوە بۆ حکومەتی هەرێم، بەم پێیە لەفرۆشی هەر بەرمیلێک نەوت حکومەتی هەرێم شەش دۆلاری ماوەتەوە.
هـ.ح
Comments are closed.