هەینی, 1 ماي 2020 – 15:14 ڕۆژنیوز-ناوەندی هەواڵەکان
ئەمڕۆ، ٣٠ هونەرمەندی گەرمیان لە ڕاگەیەندراوێکدا هەڵوێستی خۆیان دەربارەی ئاڵۆزییەکانی زینی وەرتێ نیشاندا.
لە ڕاگەیەندراوەکەدا هاتووە:”وه‌ك هەموو لایەک ئاگادارن، ماوه‌یه‌كه گرژی و ئاڵۆزییەکانی نێوان هەردوو حزبی دەسەڵاتداری باشوری کوردستان، ته‌شه‌نه‌ی سه‌ندووه و تادێت زیاتریش ده‌بێت، جارێک زەنگی دوو ئیدارەیی و جارێکیش دەهۆڵی شەڕی برا کوژیی لێدەدرێت، ئێمه ده‌زانین كه ئه‌گه‌ر به‌رژه‌وه‌ندی به‌رته‌سكی حزبایه‌تی ڕۆڵێكی له زیادبوونی ئه‌م گرژی و ئاڵۆزییانه‌دا هه‌بێت، ئه‌وا بێگومان دووژمنان و داگیركارانی كوردستان رۆڵێكی سه‌ره‌كیان له دروستبوونی ئه‌م دۆخه‌دا هه‌یه”.
ئەوەش هاتووە:”ئێمه وه‌كو كۆمه‌ڵێك له هونه‌رمه‌ندانی گەرمیان، لە سۆنگەی هەستکردنمان بە بەرپرسیارێتی ویژدانی و ئەخلاقی و نەتەوەییمان، کە خۆمان و هونەرەکەمان بە پێشەنگ و دڵ و ویژدانی گەل دەزانین و دڵمان لەگەڵ خاک و وڵات و گەلەکەمان لێدەدات، درک بە خەتەری دۆخەکە دەکەین و پیلانگێڕییه‌كی ترسناكی دووژمن له‌پشت دروستبوونی ئه‌م دۆخه ئاڵۆزه‌دا ده‌بینین”.
ئەو هونەرمەندانە دەشڵێن:”دووژمنان و داگیركارانی كوردستان، له‌سه‌رووی هه‌موویانه‌وه رژێمی فاشیستی توركیا و ئێران، بە ئامانجی لە ناوبردنی گەلی کورد و داگیرکردنی خاکەکەمان، هەروەها زیندووکردنەوەی “میساقی میللی” و گێڕانەوەی هەژموونی ئیمپراتۆریەتی عوسمانی بەسەر ناوچەکەدا، دەستیان داوەتە ئه‌م پیلانگێڕییه، کە ئەمەش درێژکراوەی لەشکرکێشی و هێرش و بۆردوومانەکانی ساڵانی ڕابردوون، لەلایەن دەوڵەتی تورکیاوە بۆ سەر ناوچە سنورییەکانی باشوری کوردستان”.
ئاماژەش بە چەند ئاماجێکی دیکەی داگیرکەران دەکەن، کە دووبارە جینۆسایدكردن و ئه‌نفالكردنه‌وه‌ی گەلی كوردستان و له‌ناوبردنی كولتوور و فەرهەنگ و مێژوو و هونه‌ره‌كه‌یه‌تی و دەڵێن:”ئه‌گه‌ر ده‌ستبه‌جێ ڕێگریی له‌م پیلانگێڕییه نه‌كرێت ئه‌وا گه‌لی كوردستان له‌به‌رده‌م قڕكردن و كۆمه‌ڵكوژییه‌كی مه‌زن داده‌بێت”.
هەر لەو ڕاگەیەندراوەدا هاتووە:”بۆیه ئێمه وه‌ك كۆمه‌ڵێك له هونه‌رمه‌ندانی نیشتمانپه‌روه‌ری گەرمیان کە ناومان لە خوارەوە هاتووە، هۆشداریی ده‌ده‌ینه هه‌موو لایه‌نه سیاسییه‌كانی كوردستان كه پێویسته خۆ به‌دوور بگرن له زیاتر ئاڵۆزكردنی دۆخه‌كه و به‌رپابوونی شه‌ڕی خوێناوی ناوخۆ، نه‌بنه ئامرازی جێبه‌جێكردنی پیلانه‌كانی دووژمنان و داگیركاران، پێویسته هه‌موو لایه‌نه كوردییه‌كان ئەو ڕاستییە بزانن، كه تاكه رێگای سه‌ركه‌وتن و به‌هێزبوونمان یه‌كێتی نه‌ته‌وه‌یی گه‌ل و یه‌كڕیزی لایه‌نه سیاسییه‌كانه”.
لە کۆتاییشدا هاتووە:”داوا له ته‌واوی گه‌له‌كه‌شمان ده‌كه‌ین كه به‌هه‌ستیارییه‌وه له بارودۆخه‌كه بڕوانن و ڕۆڵی خۆیان له شكستپێهێنانی پیلانی دووژمناندا ببینن و به‌هه‌موو جۆرێك دژی به‌رپابوونی شه‌ڕی كاولكاریی ناوخۆیی ڕابوه‌ستن”.
ناوی هونه‌رمه‌ندان:
شوان جەلال فارس – دەرھێنەری شانۆ
جومعە کەریم محەمەد – شێوەکار
جەماڵ عەبدلرەحمان( جەماڵ خەتات ) – شێوەکار
عومەر عەبداللە – دەرھێنەری شانۆ
ئۆژین عومەر – شێوەکار
زارا حەسەن حەمید – شێوەکار
وریا حەسەن – موزیسیان
محەمەد تەنیا – شانۆکار
سەربەست حاجی ئەحمەد – سینەماکار
محەمەد عومەر ئەحمەد – شێوەکار
حوسێن عەبداللە عەزیز – شانۆکار
محەمەد عەلی – شانۆکار
ھەوراز ئارتیست – شێوەکار
محەمەد عەبدولستار مەھدی -شێوەکار
سەردار نۆرێ – شێوەکار و شاعیر
ئاراز ئەبوبەکر محەمەد – شێوەکار
عادل محەمەد ئەحمەد – مامۆستای ھونەر
فریاد حوسێن – شێوەکار
عبداللسلام فەیسەڵ – شانۆکار
گۆران ئەمین – موزیسیان
ئاریان عەدنان – موزیسیان
سەڵاح حەسەن – موزیسیان
بیلال فرود – شانۆکار
یوسف حسێن – موزیسیان
کامەران فەریق – موزیسیان
سۆران لوقمان – موزیسیان
محەمەد فەلاح – موزیسیان
محەمەد کامەران – گۆرانیبێژ
پەروێز ڕەفعەد ـ شاعیر
سەمیر محەمەد عەزیز – موزیسیانت
ش.ف
