شەممە, 31 مار 2018 – 14:43
ڕۆژنیوز – ناوەندی هەواڵەکان
گەریلاکانی هەپەگە لە دەوروبەری گەڤەر چالاکییەکی دیکەیان لە دژی سوپای تورک ئەنجامدا، لەو چالاکییەدا بلدۆزەرێک تێکشکێندرا و سەربازێکیش کوژرا.
ئەمڕۆ ناوەندی ڕاگەیاندنی هێزەکانی پاراستنی گەل- هەپەگە، ڕاگەیەندراوێکی لە بارەی چالاکیی گەریلاکانییەوە لە گەڤەر بڵاوکردەوە.
هەپەگە ڕایگەیاند: ڕۆژی ٢٩ی ئازار کاتژمێر ١٢:٢٠ خولەکی نیوەڕۆ، گەریلاکانمان لە گردی شەهید غەفوری سەربە گەڤەری جولەمێرگ، لە دژی سوپای تورک چالاکییان ئەنجام دا، لەو چالاکییەدا سەربازێکی دوژمن کوژرا و بلدۆزەرێکی سوپاش تێکشکێندرا.
ئەمە لە کاتێکدایە، دوێنێ هەپەگە ڕایگەیاند: ڕۆژی ٢٨ی ئازار کاتژمێر ٠٧:٠٠ی ئێوارە گەریلاکانمان لە دژی ئۆتۆمبێلێکی سوپای تورک چالاکییان ئەنجامدا کە شەش بەکرێگیراوی تێدابوو و بەرەو گەڤەری جولەمێرگ بەڕێوەبوو، گورزی سەخت لە ئۆتۆمبێلەکە درا و هەر شەش بەکرێگیراوەکە لەو چالاکییەدا کوژراون.
س.ح
