پێنجشەممە, 9 أغس 2018 – 16:02 ڕۆژنیوز – ناوەندی هەواڵەکان
ئەمڕۆ ناوەندی ڕاگەیاندنی هێزەکانی پاراستنی گەل (هەپەگە) ڕاگەیەندراوێکی سەبارەت بە چەند چالاکییەکی گەریلاکان بڵاوکردەوە و ئەنجامەکانی خستەڕوو.
هەپەگە ڕایگەیاند: ٧ی ئاب کاتژمێر ٠٧:٣٠ خولەکی سەرلەبەیانی لەسەر گردی شەرەفییەی سەربە شرناخ چالاکییەک بەقەناس ئەنجامدرا، لەو چالاکییەدا سەربازێک کوژرا.
هەروەها ئاشکرایکردووە: ٥ی ئاب کاتژمێر ٠٨:٣٠ خولەکی شەو لەنزیک گوندی مەلکانی سەربە شارۆچکەی سانجاقی سەربە چەولک کۆنتراگەریلایەک بەناوی ئەحمەد نەبی لەلایەن گەریلاکانمانەوە سزادرا.
لەکۆتاییدا هەپەگە ڕایگەیاندووە: دوێنێ کاتژمێر ٠٦:٣٠ خولەک بۆ ٠٧:٠٠ی ئێوارە، فڕۆکە جەنگییەکانی سوپای تورک گردی شەڕی سەربە قەندیل لە هەرێمەکانی پاراستنی مەدیایان بۆردوومان کرد.
ش.ف
