شیوعی پیرۆزبایی لە هەدەپە دەکات و داوای ئازادیش بۆ دەمیرتاش

دوای ئەوەی دوێنی هەدەپە لە هەڵبژاردنەکانی تورکیادا بەردبەستەکانی تێپەڕاند، ئەمڕۆ مەکتەبی سیاسیی حزبی شیوعی کوردستان پەیامێکی پیرۆزبایی ئاراستەکردن.

وێرای پیرۆزباییان لە هەدەپە، حزبی شیوعی ڕایگەیاندووە: پیرۆزباییتان ئاراستە دەكەین بەبۆنەی سەركەوتنی ، لەڕێگای ئێوەشەوە پیرۆزبایی لەهەموو دیموكراتخوازو كەسایەتی نیشتمانی و چەپ‌ و سەرجەم گەلانی توركیا و بەتایبەتی گەلی كوردستان دەكەین كەپاڵپشتتان بوون لەم هەڵبژاردنەدا، لەپێناو هێنانەدی دیموكراسیەتی راستەقینە‌و دەستەبەركردنی مافە مەدەنی ‌و خۆشگوزەرانی بۆ هەموو گەل‌ و چارەسەركردنی كێشەی كورد و زەمانكردنی مافە ڕەواكانی بەرێگای ئاشتی و گفتوگۆی بونیاتنەرانە و چەسپاندنی ئەم مافانە بەیاسا و بنەمای دەستوری.

لە پەیامەکەی حزبی شیوعیدا ئەوەش هاتووە: پیرۆزبایی لە بەڕێز سەلاحەدین دەمیرتاش دەكەین، كە زۆر ئازایانە هەڵمەتی هەڵبژاردنی سەرۆكایەتی لەزیندانەوە بەڕێوەبرد، بەشێوەیەك قەناعەت‌ و پشتیگری ناوەندێكی فرەوانی لەنێو گەلانی توركیا بەدەستهێنا‌و لەم ڕوانگەیەشەوە پێویستە هەرچی زووە ئازاد بكرێت ‌و تەواوی مافە دەستوری ‌و یاسایی ‌و مەدەنی بۆ بگێڕدرێتەوە.

س.ح