ناوەندی هەواڵەکان
بڕیار وایە، یەکەمین فێستیڤاڵی دۆسەڵدۆرف بۆ فیلمی کوردی لە ٢٥ـی نیساندا دەستپێبکات و تا ٢٨ـی نیسان بەردەوام دەبێت، کە تێیدا چەندین فیلمی کوردیش نمایش دەکرێت.
یەکەمین فێستیڤاڵی دۆسڵدۆرفی فیلمی کوردی (DKFF) لە ٢٥ نیساندا لە لایەن “ئارت ڕیکۆرد”ـەوە ئەنجام دەدرێت و تا ٢٨ـی نیسان بەردەوام دەبێت.
لە فێستیڤاڵەکەدا زیاتر لە ٣٠ فیلم و کورتە فیلم نمایش دەکرێت، هەروەها فیلمە دیکیۆمێنتارییەکان لە دوو سینەمای جیاوازی (UFA Palast,Metropol) نمایش دەکرێت.
لە ڕاگەیاندراوی تیمی سینەمای ئارت ڕیکۆرددا هاتووە: ئەمە یەکەم فێستیڤاڵامانە، لە ڤێستیڤاڵەکەدا گرنگی دەدەین بە شنگال و کۆمەڵگەی ئێزدی لە کوردستان و تاراوگەدا، لە فیلمەکاندا سەرەنج دەخەینە سەر بوێری ئێزدییەکان و ئەو کۆمەڵکوژییانەی بەسەریاندا هێنراوە.
مەبەسی فێستیڤاڵەکە ئەوەیە لە چوارچێوەی مێژوویی، سیاسیی، ئاینیی، کۆمەڵگەیی و کولتوورییەوە لە کۆمەڵگەی ئێزدی بڕواندرێت، هەر لە ڤێستیڤاڵەکەدا بڕیارە پێشانگایەکی وێنەیی لەسەر کۆمەڵکوژیی شنگال پیشانبدرێت.
یەکێکی دیکە لە ئامانجەکانی فێستیڤاڵەکە ئەوەیە کە هونەری سینەمایی کوردی پیشانی سینەماخوازانی ئەوروپی و بیانی بدرێت.
لە مەراسیمی دەستپێکی فێستیڤاڵەکەدا فیلمی “ڕۆژباش”ـی دەرهێنەر ئۆزکان کوچوک نمایش دەکرێت.
هەروەها لە درێژەی فێستیڤاڵەکدا چەندین فیلمی وەک: نامەیەک بۆ شنگال، هێزا، کچانی ڕۆژ، فریشتەی شنگال و THE RETURN: LIFE ASTER ISIS، چەندین فیلمی دیکیۆمێنتاری نمایش دەکرێن
ب. جـ
Comments are closed.